Buaileann daltaí na scoile le chéile ag am lóin Dé Céadaoin, in éineacht le Múinteoir Cliodhna chunscileanna, leideanna agus taithí grianghrafadóireachta a roinnt agus a fhoghlaim.
Tá sé de chumhacht ag grianghraif iontacha smaointe a chur in iúl, mothúcháin a mhúscailt agus muid a thabhairt chuig áiteanna atá i bhfad i gcéin. Feicimid grianghraif i ngach áit - ar an teilifís agus ar ghréasán idirlíne, sna meáin shóisialta, i leabhair agus in aipeanna. Insíonn grianghraif scéalta dúinn faoi dhaoine agus rudaí timpeall orainn agus nochtann siad iontais nár thugamar faoi deara ar an gcéad amharc.
Leis na milliúin grianghraf go léir a thógtar agus a roinntear gach lá, cad a chuireann ar íomhá amháin seasamh amach níos mó ná a chéile? Sa chlub seo, fiosróidh na daltaí buneilimintí grianghrafadóireachta ag baint úsáide as na haipeanna ‘Photos’ agus ‘Ceamara’ ar an iPad agus cleachtfaidh siad teicnící chun a scéalta grianghrafacha féin a insint.
Gach seachtain, beidh comórtas téamaí ann le haghaidh ‘grianghraf na seachtaine’ agus foilseofar anseo iad ar shuíomh gréasáin na scoile.
Seachtain 1: Gnáthrudaí ón nGnáthshaol. Buaiteoir: Liam Ó Domhnaill, Rang Bóirimhe
Seachtain 2: Íomhánna a fháil ón idirlíon agus iad a mhodhnú. Buaiteoir: Matthew Ó hAodha, Rang Bóirimhe
Seachtain 3: An Fómhar. Buaiteoir: Liam Ó Domhnaill, Rang Bóirimhe
Seachtain 4: Tírdhreacha agus Scála. Buaiteoir: Chloe Ní Raifeartaigh, Rang Oscar.
Seachtain 5: An Nollaig. Buaiteoir: Aoibheann Butterly, Rang Bóirimhe
Seachtain 6: Eanáir Ghorm. Buaiteoir: Chloe Ní Raifeartaigh (Rang Oscar)
Seachtain 7: 'Green Screen/Scáileán Glas'. Buaiteoir: Liam Ó Dómhnaill (Rang Bóirimhe)
Seachtain 8: 'Kinemaster.' Buaiteoir: Matthew Ó hAodha (Rang Bóirimhe)
Seachtain 9: 'Mo Bhaile' Buaiteoir: Liam Ó Domhnaill, (Rang Bóroimhe)
