Cúis bhróid don scoil í an ceoldráma bliantúil, curtha i láthair ag an Idirbhliain le stiúradh ár múinteoirí ceoldrámaíochta. Léiríodh ár gcéad cheoldráma sa bhliain 2018, agus tá an tionscnamh ag dul ó neart go neart ó shin.
Bunaítear an ceoldráma ar theidil cháiliúla ó Broaday/The West End ach cuireann muid ár stampa áitiúil orthu i gcónaí, in éineacht le haistriúcháin iomlán go Gaeilge; na hamhráin san áireamh.
Cuirtear fáilte Uí Cheallaigh gach bliain roimh na bunscoileanna lán-Ghaeilge áitiúla chun leagan aois-oiriúnach den léiriúcháin a fheiceáil ar stáitse, i rith an lae. Chomh maith leis sin, cuirtear seó lae ar siúl do dhaltaí meánscoile a bhfuil dúil acu a gcuid Gaeilge a chleachtadh taobh amuigh dá seomraí ranga féin. Buaicphointe an tionscnaimh, áfach, ná na seónna oíche. Tugtar deis do na haisteoirí agus amhránaithe bliain iomlán oibre a léiriú dá muintir ar stáitse na scoile, le soilse, ceamaraí agus atmaisféar draíochta timpeall orthu.
I ngach léiriúcháin atá déanta ag Coláiste Ghlór na Mara go dtí seo, chríochnaigh an seó deireanach leis an lucht féachana ina seasamh chun bualadh bos a thabhairt do na haisteoirí agus do na hamhránaithe. Críochnaíonn an tionscnamh le cuimhní iontacha a fhanann leis na daltaí go deo.
Léiriúcháin go dtí seo:
2024: 'High School Musical'
2023: 'Breáthacht agus an Brúid'
Tá 'Breáthacht agus an Brúid ar fáil don phobal anois! Brúigh anseo chun é a fheiceáil/'Breáthacht agus an Brúid is now available to the public. Click here to view.
2022: 'Na Commitments'
Brúigh anseo chun 'Na Commitments' a fheiceáil
2021: 'Siar Chuig na 80í' (Gearrscannán, de bharr srianta COVID19)
Brúigh anseo chun 'Siar Chuig na 80í' a fheiceáil
2020: 'Grease Beo go Deo'
2019: 'Sister Acht'
2018: 'Mamma Mia: Stíl Bhaile Brigín'
