Spraoi agus gliondar croí ag torthaí na Sraithe Sóisearaí
Bhí atmaisféar speisialta le brath sa scoil inniu agus muid ag ceiliúradh torthaí na Sraithe Sóisearaí.
Tá muid fíorbhródúil as ár ndaltaí, a léirigh dúthracht, díograis agus tiomantas thar na mblianta — agus a chuir isteach obair na gcapall idir Bhliain 1 agus Bhliain 3.
Ag ócáid bhríomhar inniu, bhí deis ag an bPríomhoide Maedhbh agus ag Múinteoir Alice, Ceannaire Bliana, na torthaí a bhronnadh ar na daltaí, i láthair a n-oidí ranga agus a muintire.
Bhí lúcháir agus bród le feiceáil ar éadan gach dalta agus iad ag glacadh lena gcuid torthaí. Níl aon dabht ach go bhfuil an ceiliúradh inniu tuillte acu agus anois, tá siad réidh le leanúint ar aghaidh i mbun chlár spreagúil na hidirbhliana – le fuinneamh úrnua agus meon dearfach.
Comhghairdeas ó chroí libh ar fad, a dhaltaí!