Emily agus Mia ar bís lena dtorthaí
Deora áthais a bhí le feiceáil i gColáiste Ghlór na Mara inniu agus na torthaí deiridh den tSraith Shóisearach á bhfáil ag an Idirbhliain.
Bhí Príomhoide Maedhbh, Múinteoir Bláithín, Múinteoir Siobhán, Múinteoir Rónán agus Múinteoir Fiona i láthair chun na torthaí a bhronnadh ar dhaltaí na hidirbhliana. Ní bréag á rá go raibh na torthaí dochreidte agus ní haon ionadh é seo, mar gheall ar an obair chrua a chuir na daltaí isteach sna hábhair éagsúla ó thús Bhliain 1.
D'fhreastal tuismitheoirí agus caomhnóirí na hidirbhliana ar an ócáid agus bhí sólaistí áille á gcur ar fáil ag Múinteoir Ciara agus roinnt daltaí ó Bhliain 5.
Mar fhoireann scoile, tá bród an domhain orainn as na daltaí Idirbhliana. Bainigí fíorthaitneamh as an gceiliúradh ar fad, a chairde.