Colette Ní Mhuircheartaigh, Scoláire COBÁC 2024-2025, in éineacht lena muintir
Don tríú bliain as a chéile, bronnadh scoláireachtaí iontrála ar dhaltaí CGNM agus iad tar éis glacadh le háit sa Choláiste Ollscoile, Baile Átha Cliath.
Is iad Colette Ní Mhuircheartaigh (Ardchinnire 2023-2024) agus Eoin Lignon an bheirt ar a bronnadh na scoláireachtaí. Tá Dlí agus Gnó ar siúl ag Colette agus Innealtóireacht i gcás Eoin. Tá Colette i ndiaidh an Scoláireacht Ghaeltachta a fháil agus í ina cónaí ar campas, ag spreagadh na Gaeilge i measc na mac léinn uile. Bronnadh scoláireacht acadúil ar Eoin Lignon agus é i ndiaidh an t-uasmhéad 625 pointe a thuilleadh sna scrúduithe Ardteistiméireachta in 2024.
Guíonn muid gach rath ar an mbeirt agus iad ar thuras léinn sa tríú leibhéal. Gan dabht is spreagadh mór iad do na daltaí a thabharfaidh aghaidh ar na scrúduithe Ardteistiméireachta agus ar shaol na hollscoile amach anseo.