Seán Ó Cróinín, in éineacht le Príomhoide Maedhbh, a mháthair Karen, Oide Ranga Múinteoir Colm, Múinteoir Lúthchleasaíochta Múinteoir Órlagh agus Ceannaire Bliana Múinteoir Andrea
Bhí searmanas álainn againn ar scoil le déanaí chun ceiliúradh a dhéanamh ar Sheán Ó Cróinín, lúthchleasaí a bhuaigh bonn cré-umha ar son na hÉireann i gCluichí Oilimpeacha na nÓg le linn an tsamhraidh sa tSlóvaic.
Chríochnaigh Seán rás na mbuachaillí 1500M i 4:02.81. Ba léir go raibh an pobal scoile ar fad fíorbhródúil as agus an-sásta an ócáid speisialta seo a aithint. Tugadh bronntanas dó, canadh Amhrán na bhFiann agus cuireadh fáilte roimh mhuintir Uí Chróinín le bheith i láthair ag an searmanas.