Rang na hIdirbhliana 2024-2025
An tseachtain seo caite, bhí deis iontach againn mar scoil ceiliúradh a dhéanamh ar ghrúpa idirbhliana iontach agus muid ag smaoineamh siar ar na himeachtaí uile a bhí ar siúl acu i mbliana.
Le Múinteoirí Fiona, Siobhán, Gavin, Áine, Turlough agus Cúntóir Úna ag tacú leo don bhliain, d'éirigh leo an oiread sin a bhaint amach. Chuaigh siad ar thurais go dtí Gaeltacht Iorrais, An Ghearmáin, An Ostair, Gaeltacht Chonamara agus An Phortaingéil le linn na scoilbhliana. Chomh maith leis sin, d'éirigh leo ceoldráma iomlán a chur ar stáitse le ceolfhoireann bheo agus thug siad taispeántas do lucht féachana ollmhór thar cúig sheó. In éineacht leis sin ar fad, d'fhreastal siad ar cheardlanna agus ghlac siad páirt i modúil thaitneamhacha ó thús deiridh na bliana.
Míle buíochas le rang na hIdirbhliana 2025 as ucht gach iarracht a chur isteach agus as an dearfacht ar fad. Tá muid an-bhródúil asaibh agus ag súil go mór le bhur n-aistir a fheiceáil le linn an chúrsa Ardteistiméireachta.