Doireann agus daltaí na séú bliana ag siúl isteach chuig a searmanas
Bhí deis álainn ag pobal Choláiste Ghlór na Mara inné deireadh speisialta a chur le haistear ár ndaltaí séú bliana ag Gradam na Séú Bliana 2026.
Ócáid mhothúchánach, bhródúil agus lán cuimhní a bhí ann. Agus muid ag tabhairt turais siar ar bhóithrín na smaointe, ba dheacair a chreidiúint an méid atá bainte amach ag an ngrúpa iontach seo ó thosaigh siad linn i lár na paindéime. “Ní hé lá na gaoithe lá na scolb” – agus is cinnte gur léirigh siad misneach, seasmhacht agus cairdeas le linn tréimhse nárbh fhurasta d’aon duine í. Ag breathnú ar na daoine fásta óga atá os ár gcomhair anois, tá bród an domhain orainn as gach uile duine acu.
Gabhann muid míle buíochas ar leith le Múinteoir Philip, Ceannaire Bliana, a threoraigh agus a thacaigh leis an ngrúpa seo ón gcéad lá ar scoil, chomh maith lena nOidí Ranga, Múinteoirí Honor, Aoife Nic Chormaic agus Aoife Ní Chonmhaigh, a thug aire agus spreagadh dóibh ar feadh na mblianta.
Bhain gach duine an-taitneamh as na hóráidí croíúla agus greannmhara ó Laoise, Jack, Holly, Cathal, Xylan, Aoife, Doireann, Katie, Barra, Niamh agus Aoife, a thug léargas álainn dúinn ar na cairdis, na cuimhní agus an spiorad pobail a chothaigh siad le chéile i gcaitheamh a gcuid ama sa scoil.
Buíochas speisialta le Múinteoir Kayleigh a rinne cáca álainn, Múinteoir Andrea a rinne na bunnóga ceiliúrtha agus le daltaí eacnamaíochta baile B4 agus B5 a chabhraigh go mór leis an mbácáil agus leis an maisiúcháin. Chuir bhur saothar go mór leis an ócáid agus tá muid fíorbhuíoch.
Anois agus an Ardteistiméireacht rompu, guíonn muid gach rath agus sonas orthu. Tá muid cinnte go bhfuil todhchaí gheal i ndán dóibh agus tá muid ag tnúth go mór leis na scéalta ratha a bheidh le cloisteáil uathu sna blianta amach romhainn.
Comhghairdeachas ó chroí libh go léir agus ná déanaigí dearmad go mbeidh sibh mar chuid de phobal CGNM i gcónaí.
Gradaim:
Dalta na Bliana- Amber Nic Stiofáin
Spioraid na Bliana - Poppy Ní Shíordáin
Gradam na Gaeilge - Matthew Ó Cochláin
Gradam Acadúil - Ella Ní Raghallaigh