Chuir foireann na séú bliana imeacht álainn le chéile inniu do Rang na Bliana 2023. Bhí tuismitheoirí, foireann na scoile agus ár ndaltaí Ardteistiméireachta i láthair agus bhí ceol binn le cloisteáil uaidh George Division, Lia Ní Chochláin, an Príomhoide ar an méarchlár agus Sorcha Nic an Aba.
Thug Múinteoir Katie óráid álainn uaithi ag déanamh cur síos ar an mblianghrúpa speisialta a bheidh anois ag bogadh ar aghaidh go dtí an chéad chaibidil eile ina saolta agus is beag súil thirim a bhí fágtha sa halla!
Leis sin, labhair Isabella agus John, Ardchinnirí na scoile, agus ghlac muid go léir turas ar bhóithrín na smaointe leo. Thaitin a gcuid cainte go mór le cách.
Chan an blianghrúpa go léir ag deireadh an tsearmanais agus fuair gach duine seans comhrá lena chéile agus roinnt pictiúir a fháil san aitriam ina dhiaidh.
Tá an grúpa dochreidte seo go mór inár gcroíthe agus beidh an scoil fíorbhuíoch dóibh as na cuimhní iontacha go léir a thug siad dúinn. Guíonn muid gach uile rath orthu amach anseo; ina scrúduithe stáit agus sa saol mór go ginearálta. Beidh fáilte rompu ar ais i gColáiste Ghlór na Mara go deo.