Bhí téarma dochreidte ag ceoltóirí na scoile, idir comórtais agus turas go dtí Ollscoil Teicneolaíochta Grangegorman bhí téarma an-cheolmhar againn. Bhain na ceoltóirí an-taitneamh as páirt a ghlacadh i gcomórtas Scléip. Ghlac daltaí ó Bhliain 1-6 páirt sna comórtais. Ghlac 2 bhanna páirt i gcomórtas na mbannaí agus glac Doireann Ní Mhaonaigh, Éanna Ó Ceallaigh, Alex Ní Shlataire, Lillyann Ní Sheibhleáin agus Bobby Mac Siurtáin páirt i gcomórtas aonréad agus canadh. Chan agus sheinn siad go léir ar ardchaighdeán. Tá muid an-bhródúil astu.
Anuas air sin, bhí deis iontach ag ár gceoltóirí a bheith ag foghlaim ó laochra an cheoil traidisiúnta agus lá a chaitheamh sa Music Conservatory ag Ollscoil Teicneolaíochta Grangegorman. Chaith na daltaí an lá ag cur píosaí ceoil le chéile agus taifead a dhéanamh orthu ag deireadh an lae. Taithí agus eispéireas den scoth a bhí ann dóibh. Tá muid an-bhuíoch d'Ollscoil Teicneolaíochta Grangegorman as ucht an deis iontach seo a thabhairt dúinn. Tá muid go léir ag súil lenár gcéad thuras ceoil eile san athbhliain.