Doireann, Andrew agus Laoise agus iad i mbun aistriúcháin inniu
Bhí bua na dteangacha le feiceáil i gCGNM inniu! Tá ríméad an domhain ar an Roinn Ghaeilge agus an Roinn Nuatheangacha go bhfuil ár ndaltaí ag glacadh páirte i gcomórtas náisiúnta na n-Aistritheoirí Óga.
Bhí obair na gcapall ar siúl ag an triúr a ghlac páirt ann. D’aistrigh Andrew Minto, Bliain 6, téacs ó Bhéarla go Gaeilge, d’aistrigh Laoise Ní Mhuircheartaigh, Bliain 5, téacs ó Spáinnis go Gaeilge agus d’aistrigh Doireann Ní Mhaonaigh, Bliain 5, téacs ó Fhraincis go Gaeilge. Míle buíochas go deo leis na Múinteoirí Kiana agus Grace a d'eagraigh an lá agus a chuir an deis iontach seo ar fáil dár ndaltaí.
Fógrófar buaiteoirí an chomórtais i mí Bealtaine. Maith sibh as an dea-obair, a chairde!