Sceitimíní sa Halla Spóirt
Bhí go leor mothúcháin san aer sa scoil ar maidin agus torthaí na hArdteistiméireachta á mbronnadh againn ar Rang na Bliana 2023.
Bhí múinteoirí na séú bliana ón mbliain seo caite i láthair, in éineacht leis an bPríomhoide agus an Leas-Phríomhoide chun gach rath a ghuí ar ár ndaltaí Ardteiste agus chun an ócáid iontach seo a cheiliúradh leo.
Ar ndóigh, bhí na torthaí ar fáil ar líne óna 10 a’ chloig ar maidin, freisin, agus bhí neart dár ndaltaí ag breathnú ar a dtorthaí ón mbaile.
Bhí sárchaighdeán ag baint le torthaí na bliana seo; a bhí i bhfad níos airde ná an meán náisiúnta san iliomad ábhar a bhí ar fáil don chúrsa Ardteiste i gColáiste Ghlór na Mara. Léiríonn seo an obair chrua agus na hiarrachtaí móra a cuireadh isteach ag daltaí agus foireann araon le sé bliana anuas. Tá fíorbhród orainn asaibh agus ag súil le leanúint ar bhur n-aistir éagsúla amach anseo.
Má bhíonn ceist ar bith ag aon dalta a fuair a dtorthaí inniu, is fiú súil a chaitheamh ar an suíomh thíos:
https://careersportal.ie/leaving-cert-results-whats-next
Chomh maith leis sin, tá Coláiste Ghlór na Mara ar fáil daoibh am ar bith sna seachtainí atá amach romhainn más gá daoibh aon ghné de na torthaí a phlé.