Donnchadh agus Colette, Ardchinnirí na Scoile 2023-2024
Tá an t-ádh dearg oraibh inniu, a chairde, toisc Ardchinnire eile againn faoi agallamh ag Múinteoir Eimear Curtin do Chinnire Céadaoin. Tugann Donnchadh a chuid eolais dúinn faoina bhliain mar Ardchinnire, chomh maith le moladh ceoil iontach!
Ainm: Donnchadh Mac Conchra
Aois: 18
Comhartha an Zodiac: Libra
Ceoltóir / Banna ceoil is fearr leat: Talisk
An spórt is fearr leat: Lúthcleasaíocht
An fhoireann spóirt is fearr leat: An Mhí
An t-ábhar scoile is fearr leat: Staidéar Foirgníochta
An t-ábhar scoile is measa duit: Spáinnis
An duine a thugann spreagadh duit: Mo Mham
Cá fheiceann tú tú féin i gceann 5 bhliain: Mar leictreoir
Cén fáth ar chur tú isteach ar an bpost mar chinnire?
Chur mé isteach ar an bpost mar chinnire de bharr gur maith liom daltaí sóisearacha a spreagadh agus cúnamh a tabhairt dóibh mar uaireanta bíonn sé deacair ar dhaltaí sóisearacha athrú ón mbunscoil go dtí an mheánscoil agus cuimhníonn liom féin cé comh deacair is a bhí sé athrú.
Conas mar a bhí do bhliain mar chinnire go dtí seo (na buaicphointí, na rudaí deacra srl)?
Go dtí seo, tá dea-eispéireas agam leis an mbliain mar chinnire. Táim ag baint suilt as a bheith ag cabhrú leis na múinteoirí agus ag eagrú imeachtaí.
Dá bhféadfá labhairt leat féin i mbliain 1 arís, cad iad na moltaí go dtabharfá duit féin?
Dá mbeinn in ann rud amháin rá liom féin i mBliain a hAon, déarfainn liom féin páirt a ghlacadh i ngach rud agus léimt ar gach seans a fhaigheann tú. Beidh eispéireas i bhfad níos fearr agat leis an scoil.
Cad iad na moltaí atá agat d’éinne a bhfuil ag iarraidh bheith mar chinnire amach anseo?
Déarfainn leo nach díreach meangadh gáire agus spraoi é ról mar chinnire agus go bhfuil obair i gceist leis an ról ach go bhfuil go leoir sásaimh leis an ról nuair a fheiceann tú do chuid oibre!